Online scam at cybercrime

Mabilis ang mga scam at iba pang krimeng ginagawa online, at maaaring mawala ang pera at ebidensya sa loob ng ilang oras. Tinutulungan namin ang biktima sa pag-report, sa paghiling sa bangko o e-wallet na kumilos, at sa pagsampa ng reklamo, at ipinagtatanggol namin ang inaakusahan ng cybercrime.

Paano kami makakatulong

• Scam sa online selling, investment at pautang
• Transfer mula sa bank o e-wallet nang walang pahintulot, phishing at pag-agaw ng account (R.A. 12010, Anti-Financial Account Scamming Act)
• Paghiling sa bangko o e-wallet na i-hold ang pinagtatalunang pera (hanggang 30 araw sa ilalim ng R.A. 12010, maliban kung palawigin ng korte)
• Na-hack na account at identity theft (R.A. 10175, Cybercrime Prevention Act)
• Online libel, pagbabanta at panliligalig: reklamo at depensa
• Pagkuha o pagkalat ng maselang litrato o video ng isang tao (R.A. 9995, Anti-Photo and Video Voyeurism Act)
• Depensa ng inaakusahan ng cybercrime o ng pagiging money mule

Ang karaniwang proseso

1. Kumilos agad. I-report agad ang transaksyon sa inyong bangko o e-wallet at hilingin na i-hold ang pera. Ang anti-scam hotline ng gobyerno ay 1326.
2. Itago ang ebidensya. I-save ang screenshot, link, pangalan at numero ng account, reference number at buong chat. Huwag burahin ang usapan.
3. Report at reklamo. Maaaring mag-report sa PNP Anti-Cybercrime Group, NBI Cybercrime Division o CICC. Pagkatapos, maaaring magsampa ng complaint-affidavit sa piskalya, direkta o sa pamamagitan ng PNP o NBI.
4. Kaso at pagbawi. Kung makita ng piskal na sapat ang ebidensya, isasampa ang kaso sa korte, kung saan maaari ring hilingin ng biktima na maibalik ang pera at mabayaran ang danyos.